當年今日
關於我們

  阿董下台冇特權 - 李八方

蘋果日報 2003/09/08 08:00


八方最近去台灣走過一趟,剛好撞正中華民國前總統李登輝喺度大聲疾呼,話「中華民國已經不存在了」,接下來當然係台式互相對罵,有人提出李登輝下台後,所享有嘅特權係咪多得滯?包括保鑣人數等等嘅問題,重話佢有一個私人寶庫用嚟放人哋送畀佢嘅貴重禮物。八方唔熟悉台情,但印象係台灣乜都得,冇乜出奇。
反而,事件觸發咗八方嘅好奇心,就係我哋嘅董特首落台後有冇乜嘢特別禮遇?於是返港後四周打聽,但係連特首辦都話冇聽過會有乜嘢安排。
總之,講到收咗嘅禮物,老董一概要交出,如果佢老哥鍾意想保留,可以搵專人估價,再自掏腰包買下。
至於當年傾特首選舉法嘅時候,大家只係關心佢個位一旦出缺,要有乜嘢應變措施,老董下台後重要唔要受保護,就好似冇人有興趣傾,因為覺得冇迫切性;但7.1之後老董變得危危乎,可能都要認認真真傾吓喇。



傳真︰2623-9278
電郵︰[email protected]