過去一年香港爭拗不斷，而猴年之初就遇200年一遇嘅三破，似乎沒有最差，只會更差！
蔡伯勵分析丙申猴年流年，話2016年元旦、農曆丙申年初一都係破日，農曆正月亦都係破月，一年之初遇到三破，仲係重要日子：「過去二百年嚟未試過，破當然係唔吉利，仲係有三個。丙申年梗係唔係咁好。」
佢分析丙申流年嘅四柱八字，五行欠水土，火、金兩行對峙相剋，從破、剋嚟睇，香港來年出現爭持不下、勢均力敵格局；放諸現實，無論政治、商業都多糾紛，明爭暗鬥。商業放緩，金融巿場淡靜，樓價下滑；又因為氣息沉悶，山雨欲來風滿樓，可能爆發自然災害。