【本報訊】嶺大校長兼大學校長會召集人鄭國漢、中大校長沈祖堯及港大校長馬斐森，昨均促學聯及官員再次對話，解決佔領及政改問題，被指是學聯和政府中間人的沈祖堯對擔任次輪對話主持持開放態度。
八大校長聯同公開大學和恒生管理學院校長昨出席一個高等教育研討會，有台下人士問及大學如何引導學生爭取民主，鄭國漢說這問題困擾各位校長，「希望唔好阻住市民生活、生計，但今天學生有佢哋諗法，校長講咗唔同意學生，似乎係非常不可接受」。

沈祖堯：係好開始

鄭國漢說已呼籲學生和教員返回校園，不希望學生受傷，對暴力場面及政府可能清場，他說：「呢幾個禮拜，我哋校長都受到呢啲煎熬。」
鄭國漢會前表示他主持對話時提出問題，是想幫助雙方找出對某項問題的具體看法，形容首次對話是摸底，「世界上好多談判都係經過多輪對話，先至有真正結果，喺結束時，政府話對話大門繼續開放，政府持開放態度。」
沈祖堯指政府表現出誠意，學生相當成熟及有準備，他也認為必須再次對話，「當然唔會期望第一次對話就解決晒所有問題，但政府釋出善意及可能性，學生方面睇吓有乜詳細可再作討論，我覺得係好嘅開始」。
沈被問及他作為「德高望重」的人會否協助雙方再對話，「我德行麻麻哋，我唔係喺談判框子入邊」。至於會否代鄭國漢出任主持，他稱有待大學校長會討論，又表示95%學生已回校上課，晚上才到佔領區。
港大校長馬斐森對首次對話沒提出解決事件的方法感失望，期望雙方再交換意見。他說知道有學生代表擬自首，希望政府體諒，寬大處理，學生無論遇到法律問題或受傷，校方都會協助。