亞視係今晚11點59分，就會正式同大家講拜拜，一個見證香港逾半個世紀嘅電視台，就咁就無咗喇！但原來亞視嘅員工接駁巴士，比亞視更快完結，佢係傍晚6點45分，喺亞視嘅大埔總台開出後，以後都唔會再有員工巴士喇，SoSad！難怪亞視嘅保安都好無奈咁同在記者講咗一句：「以後唔會再有員工巴士了！」

而亞視公關黃守東係亞視熄機前，仍堅守崗位，留守到亞視免費電視廣播嘅最後一刻，近黃昏六點，黃守東就坐的士，返回大埔亞視總廠，佢拎住三大袋食物落車，包括有飲品和麵包。跟住佢就同在場嘅傳媒講：「今日係亞視免費頻道最後一日廣播，真係辛苦晒大家！」然佢就將手上嘅食物交比傳媒享用。

然後記者問到仲未有糧出嘅黃守東，係咪自掏腰包？黃守東就好含蓄咁點頭承認，當佢想返入亞視嘅時候，就撞到剛返亞視嘅張家瑩，兩個人就寒喧幾句，打個招呼，仲話搵日有機會約食飯喎！