關楚耀（Kelvin）日前舉行個人演唱會騷肌，之後又馬不停蹄去商台宣傳新碟，佢話好多人讚佢表現好，自己都回味，依家傾緊去內地開騷。

有指佢練大隻之後老少咸宜，羅霖騷後攬不停，佢就否認，話唔係好似報道所講，話大家係拍戲後變熟。另傳佢追衞詩雅，佢否認話：「呢個真係重口味，依家只係追求肌肉發展。」又話依家冇追求目標，人哋後生靚女喎，咁都重口味？