宋智孝和崔振赫主演的韓劇《急症男女》（前譯《急診男女》），雖然係韓國已經播完，不過呢齣劇上月先係channelM台播出，所以男女主角宋智孝和崔振赫自然合體幫手宣傳。

噚日佢哋就分別從首爾出發到新加坡宣傳《急》劇，同時亦出席當日舉行嘅粉絲見面會。

一身黑衣墨鏡兼素顏上陣嘅宋智孝現身仁川機場，好彩靚樣依然省鏡，而崔振赫就同宋智孝分開到場，佢同宋智孝一樣都係戴上墨鏡。

而大前日宋智孝錄影綜藝節目《RunningMan》時，一身運動裝嘅佢，疑似係腰間嘅收音咪太重關係，搞到佢條褲甩甩地，幸好就未有走光，只係有啲唔好睇啫。