財經事務及庫務局局長陳家強今年四月訪美，喺華盛頓同聯儲局主席伯南克會面，局長噚日喺茶聚時提起，原本諗住去找伯老晦氣，話佢係咁印銀紙，搞亂晒世界經濟。
伯老可能知道來者不善，來個先下手為強，一見到局長，就大讚港府財金官員有計，勁讚本港推出嘅樓控措施，好似額外印花稅（SSD）同買家印花稅（BSD），係非常之有創意同創新。
局長不收貨，繼續腰潤伯老，同對方講，佢一早警告香港市民，話聯儲局有機會隨時退市，千祈唔好信晒伯老講嘢，伯南克聽完之後冇嬲，仲話好欣賞局長咁講。查實局長講呢兩段對話都係想借伯老讚自己，人哋話政府出招有創意同創新，冇話有效喎。