當年今日
關於我們

【圈中有老友】陳榮峻低調撐 詹秉熙為失球與黃子揚動手

蘋果日報 2017/06/14 00:02

黃子揚詹秉熙陳榮峻

正所謂「曹操都有知心友」,雖然有唔少人認為娛樂圈係萬花筒,要搵個真心朋友未必易,但其實要搵都會有嘅。
詹秉熙同擅長演壞人嘅黃子揚私底下甚為老友,兩人更係電視演藝體育會(視藝會)足球隊嘅主將,不時會同其他球隊進行比賽,切磋球技。不過,喺1997年,有周刊報道指詹秉熙同黃子揚喺一場足球友誼賽中,為咗一球失球而吵大鑊,當時視藝會被攻入一球,黃子揚破口大罵詹秉熙,認為對方要為失球負全責,但詹秉熙唔同意,認為黃子揚亦有責任,雙方先係口角,繼而黃子揚被目擊推開詹秉熙,並追打對方,兩邊球員見狀即分隔兩人。
據當時消息指,原來黃子揚唔係只係為咗失球而動怒,而係早已對詹秉熙有不滿,咁啱當日失球,兩人口角時引爆怒火先搞成咁。事後黃子揚指如非詹秉熙當日挑釁在先,佢唔會咁火爆,但佢亦話自己「爆」完就冇事,亦會同詹秉熙繼續做老友。
而詹秉熙喺圈中嘅另一好友、大台甘草演員陳榮峻相對地就friend得低調好多,喺詹秉熙於1999年惹上麻煩事,唔只充當柴可夫接送詹秉熙,亦代詹秉熙太太同傳媒溝通,非常老友。
empty
詹秉熙同擅長演壞人嘅黃子揚私底下甚為老友。(資料圖片)
empty
詹秉熙喺圈中嘅另一好友、大台甘草演員陳榮峻。(資料圖片)
empty
陳榮峻(左)(資料圖片)
empty
詹秉熙(右)(電視畫面)
empty
黃子揚(電視畫面)