一代笑匠占基利（Jim Carrey）近來情況令人擔憂。噚日佢出席一個雜誌頒獎禮活動，於紅地氈上接受主持訪問，但係佢唔單止狂踩個活動冇意思，仲厭世表示：「呢個唔係我哋嘅世界，我哋冇意義。」又突然唱歌、大叫，嚇到主持都唔識應對。

其實占基利近年一直受抑鬱症困擾，2015前其前度女友Cathriona White自殺，對佢造成沉重打擊。今年佢仲要面對前女友父母對佢嘅法律訴訟，指佢俾藥物予Cathriona令佢服藥過量。幾日前占基利於威尼斯紅地氈上大跳大叫表現興奮，噚日卻大表厭世：「呢度係冇意思，你要承認……我冇着得好好，呢度冇我喺度，呢個唔係我哋嘅世界，我哋冇意義。」情況令人擔憂。