【本報訊】連日來堅稱與殺人無關的小草昨承認曾因本案被控串謀謀殺一罪，後向警方錄取多份口供後獲撤控，亦由斷言否認改為承認曾在「THERE」會議上講笑附和「殺死阿J喇，記得分錢畀我」，但堅稱並無說過「將佢斬件，掟佢落海」。
第三被告張善恒（阿K）代表大狀甫盤問不久，即義正嚴詞提醒小草若作虛假或誤導陳述，警方有權檢控。大狀指她案發後除建議將屍體扔在大嶼山外，更建議「將佢斬件，掟佢落海」，小草連聲否認「冇講過，我冇講過，我真係冇講過」。
大狀指她案發前曾講笑附和「殺死阿J喇，記得分錢畀我」，小草否認，惟大狀質疑她遲疑了3秒才否認，再次問是否連開玩笑附和也無，她即承認「有」。大狀遂指出，她向警方共錄取8份錄影會面、以及4份口供，其中絕口不提附和殺人和分錢一事，為何在案發後兩年才承認，她泣不成聲說：「我根本唔記得，好多嘢都係去到後面先記得。」

遭大狀警告　聲淚俱下

大狀質疑她為免「上身」，錄口供時無向警方道出所有真相，直至出庭獲確認豁免起訴才承認有說過講笑附和殺人和分錢，小草聲淚俱下反駁「冇人提起呢句，我根本唔會記得」；並反駁指若她怕「上身」，「連大嶼山呢句都唔會講出嚟喇」。
大狀指小草從沒在口供提及阿K參與討論、或附和要殺阿J，庭上卻忽然指阿K有建議殺人，小草痛哭指「佢有附和㗎，佢真係有講過㗎」，反問「點解硬係覺得一定記得所有嘢」。大狀大聲質疑若阿K有建議殺人，則她錄口供時不會沒印象，小草哭說：「佢哋開咁多次會，討論咁多次，我聽得最多就係曾祥欣（首被告）同劉錫豪（次被告）講嘢，張善恒（阿K）都有，但印象冇咁深刻。」
■記者楊思雅