【22:30】John指，至晚上10時半仍未收到政府發出的SMS，未能啟動「居安抗疫」App，他再次致電相關熱線，對方仍是着他繼續等待。

昨凌晨零時起，本港實施所有抵港人士（除澳門及台灣旅客）14日強制隔離檢疫，政府人員在機場為入境者戴電子手帶，不過有數千名家居檢疫者投訴收不到政府發出的SMS，無法啟動「居安抗疫」App，擔心自己因此被指違反檢疫令。有讀者坦言受檢疫人士無法即時啟動程式，即使偷偷外出，當局也無法監察。

讀者John指其父母早前到泰國曼谷旅行，昨日凌晨5時許抵港，當時衞生署人員替二人登記並派發通告，要求他們回家後安裝自行下載「家居抗疫」App，惟他們回家後，竟未能在App Store上搜尋到上述程式，「屋企人開始就好擔心，佢哋就諗自己係咪犯緊法，因為個通告寫明你唔裝個App係有刑事責任」。

John由昨晨7時許開始致電通告上的53943150查詢，但一直沒有人接聽，大約兩個多小時後熱線才能打通，「我問佢你個App喺app store度冇喎，佢先至話唔係叫『居安抗疫』呀，係叫stayhomesafe」。其後John終於替父母成功安裝相關App，並掃描手帶上的二維碼及再輸入手機號碼，可惜一直收不到SMS啟動密碼，於是他只好再致電熱線查詢。

當時John的父母已經抵港超過15小時，但一直未能成功啟動app，全家人都心急如焚，至晚上9點半才能打通熱線，豈料對方僅稱「而家處理唔到啲乜嘢」，只叫John留下電話號碼，讓有關人員稍後回覆他們，不過至今日下午5時，仍然未有人聯絡他們，相關app亦未能成功啟動。

John指自己前前後後已致電熱線超過30次，僅一至兩次成功接通，令人沮喪，最後一次是昨晚8時。「到底我哋而家係咪犯緊法，我哋都返咗嚟超過一日，仲係啟動唔到個App，亦都唔知個App有咩功能，政府人員亦都追蹤唔到，喺屋企又好，去咗邊度都好，都冇人知」。他坦言檢疫手帶運作首日旋即冧檔，熱線人員聲稱稍後會聯絡他們卻失去蹤影，感到憤怒，「我哋而家守法留喺屋企啫，唔代表其他人都係咁」。

市民丁小姐亦是今次事件中的苦主之一。丁小姐的兩名女兒昨午由英國回港，回家後用智能手機下載上述App，同樣地亦未能在app store下載，多次致電熱線亦未有人接聽，幾經轉折下終於聯絡到一名民政事務署的職員，「佢都好擔心，淨係話幫唔到我，只可以打畀hotline，冇幾耐佢就畀咗另一個電話number我聯絡」。她其後致電5次，終於有人接聽，並向對方解釋自己未能下載App，亦未能成功收到SMS，豈料對方表示「咁你等啦，而家太大量人返到香港，可能要排住隊，要聽日或聽晚先收到」。

至昨晚近8時，丁小姐終收到SMS密碼，成功令電子手帶與App配對，而手機亦彈出「stay home safe enroll success」的信息，前前後後擾攘了近8小時。不過，其後軟件地址一欄卻顯示「undefined」的字眼，令她感到困擾，「完全冇人聯絡我哋，亦都唔知點運作，係咁click call for help呢個制又冇人理」。

政府資訊科技總監辦公室發言人下午竟表示，由昨日至今日中午，共派發超過7,400條新監察手帶予經香港國際機場入境的人士，亦已完成發送電話短訊予所有在今日中午前經香港國際機場入境人士，用以啟動「居安抗疫」流動應用程式，但未有透露已成功啟動程式的數量。

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568