鄭伊健昨日到銅鑼灣出席飲品活動,談到好友林嘉欣生女再度做媽咪,伊健表示已恭喜對方,待嘉欣方便就會探BB,伊健說:「我同嘉欣住得好近,成日見到面。」
身旁不少朋友都生BB,會否令伊健心動想做老竇?伊健即搖頭說:「我只係諗緊點避年,啲人生完又生,我真係冇打算生,但如果想鬥生我都鬥唔切,生都要等幾年。」伊健坦承沒有責任感,跟小朋友玩就可以,但照顧就很困難。
昨日是母親節,伊健表示已跟媽咪食飯慶祝,他表示媽咪身體有病痛,之前陪她看醫生,故希望媽咪身體健康。問到媽咪多了新抱蒙嘉慧痛錫,會否更開心?伊健說:「我冇問過,其實未結婚前佢哋都相處開心,冇乜分別。」
採訪、攝影:溫敏芝