盧凱彤（Ellen）及樂隊Dusty Bottle（DB）噚晚喺油塘為環球唱片旗下全新音樂品牌「Brave Music敢作敢樂」舉辦成立派對。Ellen表示佢哋正式加盟，作品已經可以係各大音樂平台收聽：「我哋未合作過，佢哋（DB）表演好正，今日有歌手Shimica（黃宇希）一齊做。」

問到Ellen點解加盟新公司？佢話做獨立音樂人3年，又自資出碟，後來遇到環球唱片董事總經理Duncan（黃劍濤），亦傾咗一段時間：「我覺得環球好啱我，佢哋嘅計劃同條件同我方向套夾。我覺得呢個Indie Label可以有更多發展，所以係時候同其他人合作，令我嘅音樂世界更加闊。」

Ellen話佢想重返廣東樂壇發展，一直好想用自己方式出碟，所以一路擱置加入公司。佢都有有同二汶討論過，我哋咁啱喺今個月簽咗兩間公司，發展係好巧合。另外，Ellen前日32歲生日，佢話平靜地度過，最緊要係身體健康，專心造廣東歌。

精選娛聞，喺晒《娛果》
http://fb.com/appledailyent