突發！羅致光爆軚！

大庭廣眾爆軚咁驚嚇？原來講緊係「尊貴的」局長座駕。事緣今朝勞福局局長羅致光出席商台節目，貴為局長當然係由司機用政府座駕接佢去商台啦，羅致光做完一個鐘節目之後，座駕就喺停車場準備駛前，接載羅致光離開，但呢個時間架車右邊前方車軚懷疑因為剷上路壆，搞到爆軚漏氣。

作為司機，對呢啲突發情況當然有應對方案啦，呢個時候司機就拎出條後備車軚跪地更換，仲俾在場嘅傳媒影低晒成個換軚過程。最終羅致光行程只係受阻約半個鐘，就可以上返換咗新軚嘅座駕離開喇。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！