E-kids成員阮民安（Tommy）跟女模老婆張倚雯（Eva）育有兩歲囝囝阮治童，去年底Tommy再報喜，宣佈三年抱兩，Eva今日順產為他再誕下兒子。治童升呢做哥哥，恭喜恭喜！

Tommy興奮為第二任爸爸，他今日接受《蘋果》訪問時透露，幼子今午4時許出世，重約7磅，母子平安，家中多了一個新成員，Tommy表示要再勤力多賺奶粉錢，好讓妻兒生活得更舒適。Tommy說：「BB比預產期早咗六日出嚟，今朝太太作動，送佢入院，上次佢生大仔痛咗23、24小時，呢次細佬係快咗出嚟，但我喺產房見Eva嘅痛，同上次一樣，佢忍受唔到瘋狂大嗌，平時佢好靜吓，令我感受到媽咪嘅偉大。」Tommy承諾幫手湊仔，他主力照顧哥哥，幼子交老婆餵人奶。Tommy仍未為囝囝改名，問到樣子似誰？他搞笑說：「目測似哥哥，即係同我似，我祝佢好運，希望佢長大後偏向似阿媽，爭氣啲，咁條路易行啲。」

Eva生第二胎，雖然有生產經驗，但今胎待產，仍然心情緊張，她曾貼出巨肚相後留言：「熬到現在38周，孕後期真是要命……（特別是睡覺想轉身每動一下也像行刑）最後半個月，老公才開始放任我，開始肆無忌憚吃想吃的東西，各種垃圾食物，雪糕、可樂等生冷嘢。但主要是要我吃西瓜、綠豆沙、芝麻糊等清胎毒食物（要知道產後餵母乳又是一輪戒口地獄）。目前體重55kg，醫生開始叫我不要吃太多，治童出生時8.2磅，有夠巨的，我也怕二寶會一樣巨，順產很難。」

Eva陀着「二寶」時也有一番感觸：「畢竟治童才一歲半就懷上了二寶，怕自己的精力跟不上兩個小孩，要再一次走進產房，再次經歷可怕的十級巨痛產程，還要照顧新生兒沒日沒夜餵奶哄睡的辛酸，對我來說生二寶真的需要很大勇氣！但老公和家人的舉動消除了我很多的顧慮，老公一直以來也對我像女兒一樣照顧萬般寵愛。」得到老公及媽咪的幫忙和照顧，Eva的「二寶」也終於平安出生，她也打算封肚，兩個夠晒數。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI