預算案由最初話大加煙稅三十幾蚊，到最後只係每支加兩毫，計落一包煙只係加4蚊，唔算好多，但原來對月入8萬幾蚊嘅立法會「煙民」議員嚟講，一樣覺得唔加好過加。

好似曾被同僚「踢爆」會搭車離開立法會「呼吸」嘅民建聯「元秋」蔣麗芸咁吖，佢話覺得政府冇乜必要向小市民埋手，因為政府仲有好多開源方法啫，元秋強調，自己煙癮極輕，唔係為自身利益出發㗎。

至於煙癮起，會由立法會行過對中信地下「打邊爐」嘅商界代表廖長江就話，呢個加幅都算好溫和，而佢為咗健康著想，以後都會食少啲。唔知民建聯「小爬蟲」黃定光以及社民連長毛梁國雄，會唔會為呢四蚊少啲「呼吸」呢？