《色慾都市》（Sex and the City）系列女星仙菲亞妮遜（Cynthia Nixon），一向關心政治，有傳佢有意參選紐約州長，阻科莫（Andrew Cuomo）連任。

美國《華爾街日報》率先爆出仙菲亞妮遜可能從政嘅消息，報道話有自由派人士已接觸仙菲亞妮遜希望佢參加明年嘅紐約州長選舉。仙菲亞妮遜承認雙性戀，喺2012年與Christine Marinoni結婚，近年極積宣揚LGBTQ權益，佢曾反美國總統特朗普上街示威，而仙菲亞妮遜特別關注公共教育政策，過去就曾經公開批評過科莫。