而黃秋生以短訊回應︰「林鄭需要學會明白,回應同答應不同,答應市民合理訴求亦唔係軟弱嘅表現,正相反,作為一個領導者,同民眾嘅溝通係需要勇敢去面對問題,方法唔係得打打殺殺一個。今次應該係一個好嘅新開始,希望事情可以改善,共同解決問題。同政府爭取從來不易,起碼有個好開始,當然仲有更嚴重嘅問題要解決,部份警員或警隊甚至市民或政府是否涉及參與犯罪,極需要調查同向市民用一個正常精神狀態交代。因為若任由雙方罪行就此抹去,政府以後亦無法獲得市民任何信任,難以運作。但係起碼一人行一步先。」秋生之後再補充︰「咁多人出嚟指正暴行,千祈唔好學日本軍南京大屠殺咁,一句我唔同意你嘅講法就當冇事。」
撰文:馮仁昭