條數就係咁嘅：

女嘅55歲。
男嘅59歲。
疑似第三者（女）：約70歲。

原以為係。

呢個女男女嘅三角戀故事，就係咁嘅，Big Echo老闆娘劉麗萍（Apple姐）同59歲「舞王」麥德羅黃昏戀，本來今年拉埋天窗，但噚晚Apple姐突然喺fb網爆seed嗌分手。

麥德羅版本係，佢誓神劈願否認不忠，指係個fans攻擊佢、話自己同麥德羅有染，但對方其實只係佢學生。

咁點解Apple姐覺得兩人有景轟？因為呢個女人send咗啲相畀Apple姐睇，兩人嗌咗場大交。麥德羅否認同呢個女仔有做過越軌之事，仲話啲相只係普通抱住攬住、女錫男面珠嗰啲。麥德羅仲話，呢個「女仔」，「大我冇十年都七八年，有四個孫，做咗嫲嫲。」麥德羅今年59歲，如果女方大佢七八年甚至十年，咁咪即係近七十歲？

咁Apple姐嘅講法又點呢？

Apple姐喺fb公開咗呢個女人嘅相，痛斥：「今天有個女人打電話給我說了他們的不沉常關係和他對我所有不忠的事情，我真的徹底被傷透了！」友人質疑可能係假，Apple姐就話：「這女人我也見過，她知道他很多秘密，也知道我很多秘密，如果沒有關係又怎麼會說出那樣多沒人知道的事情。」

「我三年前已經發現他們WhatsApp很暖味，已警告他不要再理會這女人，他答應了又卻跟她繼續來往，如今這女人跟我哭訴他們也已交往三年，更被騙感情！」佢話有質問過麥德羅，但麥德羅唔認。

Apple姐說：「我真的好傷心！」、「我現在很傷心，沒氣力去對付任何人啦。」不少友人留言勸Apple姐要三思，又指可能該女子「別有用心」想拆散兩人，可能麥德羅真係無辜。但亦有人唱反調話兩人依家先分手已經比佢想像中遲，Apple姐回覆：「其實男人對我來說不是太重要，最重要是自己的健康和夢想，當然還有我的家人！」

「當你發現睡在你身旁十多年的人是一直騙着你的！真的傷心到像內心滴着血的，真的很痛。」