當年今日
關於我們

【唱live心驚驚】為金像獎表演感壓力 余香凝:試吓當自己係容祖兒

蘋果日報 2019/03/14 13:19

余香凝菊梓喬容祖兒

余香凝(Jennifer)與菊梓喬(Hana)昨晚於會展為毛皮業協會春茗擔任表演嘉賓,Jennifer表現緊張,她說:「因為好少唱live,我會唱兩首歌,其中一首係《陽光普照》,係今屆金像獎入圍原創歌曲,我喺金像獎會演出,最近每晚失眠,只係瞓得兩個鐘,今晚當係預演,壯吓膽,而家一日會唱好多次,得閒就練習。」問她如此大壓力,是否信心十足?Jennifer說:「唔係,以往入圍單位都會上台唱,要喺咁多前輩面前唱,仲好近距離,佢哋嘅表情都睇得好清楚,我嘅身份都有係歌手,但唔係好專業,現場唱live次數10隻手指都數得晒,今次會用另外一個方法,當自己飾演唱歌嘅角色,嘗試淡定啲投入角色,會試吓當自己係容祖兒。」她又指希望今年事業有更好成績,她笑說:「希望嚟完春茗可以旺到我嘅事業,拍多啲戲,喺戲入面生多幾次仔,感情就冇時間諗,畀心機做好自己嘅工作先。」
而Hana則穿上性感晚裝現身,她笑指自己似新娘,問她何時出嫁?她說:「快㗎喇!喺有生之年裏面,希望可以開咗自己個人音樂會先,而家都有不停傾緊,機會係有嘅,心態已經準備好,自己未開過音樂會,都好期待。」問她是踩入紅館?Hana說:「而家想試水溫先,紅館4面台太誇張喇,我連300人嘅場都未試過,唔敢貪心,全部人入場只為咗睇妳,係會好感動。」Hana正積極操肌備戰,她笑說:「想健碩少少,喺台上可以企得穩啲,因為覺得自己被風一吹就會吹走,盡量露啲線畀大家睇,事業線就唔強求,怕嚇親觀眾,髮線、馬甲線都可以露吓嘅。」
另外,皮草大子爺王大業每年有份舉辦此春茗活動,商會踏入40年,問他是否跟商會一同成長?已有40歲?他笑說:「冇呀,我加入商會16年,年紀都係38+1,邁向40啫。」記者笑他感情還未有着落?他說:「聽天由命啦!而家冇拍拖,不過如果係都會結婚先會同大家講,拍拖唔知係唔係最尾嘅。」他也直認年齡問題,若生小孩子怕會有代溝,更謂要找一個合得來的對象並不容易,提到曾經出席商會春茗的鍾嘉欣、吳若希及雨僑得均結婚生B,他說:「係啦!旺女唔旺仔,次次都冇我份!」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
empty
余香凝今年要專注事業,未有時間想感情的事。
empty
王大業坦言感情有未有着落,聽天由命。
empty
菊梓喬希望今年舉行音樂會。