何姑娘：各位組員，不如分享大家在飲食方面如何控制糖尿病？
組員們齊聲：最重要緊係戒口啦！
何姑娘：你們如何戒口呢？
李太：甚麼甜的食品都戒掉。
何姑娘：不如你舉一些例子，戒了甚麼甜食？
李太：我飲檸水唔加糖，唔食糖果同朱古力，樣樣甜都唔食。
何姑娘：不過你的血糖指數未見改善，除戒甜食外，你每日還會選擇甚麼食物呢？
李太：我聽人講食飯會令血糖升高，所以有時連飯都唔食，但唔知點解血糖都咁高？
何姑娘：唔食飯又會吃甚麼代替？
李太：唔食飯就食麵包，一次過食3、4塊白麵包。如果食少咗飯就食多些餸，最鍾意吃薯仔炆雞翼，甚至飲多幾碗老火湯連渣一齊食。如果餐後肚餓就食多些生果，生果有益，所以食完蘋果又食香蕉，試過最高紀錄可以食半磅提子。
以上情況其實很常見，因為有很多糖尿病患者對飲食控制都有一些誤解，所謂「戒口」以為只是戒掉甜的食品，便可控制血糖，甚至連飯都不吃，但他們又會吃很多碳水化合物的食品如麵包、生果、薯仔等作代替，最終血糖都仍未見改善。