有國泰機師指出,現時編更及工時問題仍然未解決,強調機師只是要求合理的休息時間,並非涉及收入問題。他表示,機師有時需要連續數日進行密集式飛行,導致該月休息日不足;又或需要連續6天候命,而候命期間隨時要獲召當值,無法真正休息,而一旦接獲召勤便可能要連續工作23小時,「你係咪可以捱到第二日接近24小時?23小時規則有冇考慮過人嘅睡眠時間?」
該機師批評,航空公司需要節省成本無可厚非,但民航處作為把關機構,未有做好監管角色,「不如叫佢試吓,跟住我哋嘅飛行時間,唔使做嘢,但唔好瞓覺,跟一個月,包保佢唔會咁諗」。
■記者伍雅謙