呢期女主播好紅，有大婆台小花離職後大爆料，已經夠juicy，另一邊廂有前女主播仲同報紙女記者大打出手㖭。就係大婆台前主播周嘉儀，大戰《囧報》記者周家怡。

其實，係Google請咗兩位參與7月24日至31日嘅《GooglePlayGameWeek》，GameWeek每晚九點會串流直播幾位名人打game，7月26日就係周嘉儀對周家怡，大玩「哆啦A夢修理工場」。

Google仲有段兩個女仔親自配音嘅動畫宣傳片，首先有男聲大叫「嘉儀/家怡BB出嚟啦!」，之後兩個女仔就一人一句鬧起上嚟：「你走出嚟做咩呀」、「佢叫我呀，嘉儀bb呀」、「我先係家怡bb呀」，最後兩個大打出手，仲出埋昇龍拳㖭呀。兩位仲另外拍咗宣傳片，扮曬cute咁叫人睇佢哋打機：「想同我哋一齊玩？」。（咁樣講，叫毒L情何以堪呀...）

其他明星有費清最鍾意嘅羅蘭姐，佢喺宣傳片示範教你點影呃like相，就係一秒變龍婆!GameWeek下週未仲特設「香港動漫節」會場限定版！詳情留意 http://g.co/GameWeekHK

其實，離開主播台玩吓輕鬆吓，都好吖，唔駛吓吓出書爆陰毒嘅。君子相分，不出惡言。

費清＃要生計，也要生活＃毋忘初衷