天佑前晚在facebook再出帖文,留言會與香港人齊上齊落、不割席。被問到「Shine是否都齊上齊落?」時,他回覆:「no more shine.」其後天佑再度開post:「壞人當道。我係一個好人,如果我瀨嘢,希望你會相信我係一個好人。」又留下一句:「暫別。」令人懷疑Shine似拆夥,很多人隨即留言支持撐到底。
《蘋果》前晚聯絡天佑,他以WhatsApp回覆說:「Sorry,四面受敵。I can't say anything。」他又指壓力很大:「一言難盡,估唔到會係咁。」至於Shine經理人錢小姐回覆《蘋果》時否認二人拆夥:「佢哋冇拆夥,感情冇問題,各自拍戲。所以先冇時間一齊工作,如果之後有演唱會,都可以再一齊。」
其實這次疑似拆夥早有端倪,天佑7月時開post說過:「現在社會,發聲是錯?有好多人因此割席我不管,有『人』同我講『不如你唔好再講嘢啦』,我明白……但可以嗎?低頭嗎?被滅聲的感覺很微妙,亦很壯麗。你看今天的集會舒服嗎?我不會,香港加油!」直至8月4日,他又有感而發,於社交網留言︰「我感謝一啲『真』朋友,打俾我Message我鼓勵我支持我……BTW成日稱兄道弟嗰啲割席嗰啲,我唔會阻你哋搵食。」
撰文︰祖李