「地鐵被人屈？」網民「細s」近日在討論區開帖指摘地鐵公司不近人情，取消紫色的學生八達通卡，強迫他們申請附有照片的個人八達通，否則會被罰款500元及遭檢控，我「彈珠人」雖已非學生，但也深明學生無錢之苦，打算響應「tcpslc」呼籲：「一人一信去投訴啦！」結果發現原來是「一知半解」弄出來的誤會。
uwants討論區網友「合味道」對新制度不滿：「有學生證都唔用得紫色？咁出嚟做乜呀？」「~喵~」也感不值：「特別優惠冇晒，但又唔出番其他優惠畀學生，咁樣增加自己嘅盈利，我覺得好無奈。」「singofccy」很擔心：「死啦！我屋企有三張（紫色）！」

規定實行逾20年

「翠兒」話：「我覺得要申請學生優惠係好合理，你可以退咗張卡，入面有幾多錢就退幾多錢，仲會退埋50蚊按金，如果你想要張卡，可以畀30蚊成本費買咗佢。張紫色卡可以放上網炒呀！」
不過，「munandka」踢爆這個誤會：「當你申請學生個人八達通後，地鐵會於個人卡發出前發出紫色的臨時學生八通卡，直至個人卡發出後，退回臨時卡並取回按金。如果地鐵想賺錢，大可以同其他交通工具一樣，取消學生乘車優惠。就算係年代更久遠嘅『學生儲值車票』年代，都要事先向地鐵申請『學生乘車證』才可使用，規定已實行超過20年，根本唔係咩嘢所謂新制度！」
http://www.uwants.com/viewthread.php?tid=5199488&extra=page%3D1