當年今日
關於我們

香港有得Fun:元朗新K場點遠都要去
TwinsJoey霆鋒請你入房

蘋果日報 2003/06/26 00:00


元朗有新卡拉OK場?遠唔遠啲呀?但當你知道這間K場的房間,竟然由祖兒、霆鋒親自設計,甚至放置了他們的私人收藏時,Fans無論幾遠也會撲去!最近剛開張有三層高的Neway元朗店,把第二層布置成EEGZone,以英皇旗下的歌星作題材,把二十多間房粉飾成各偶像的心水K房。今日下午四時Twins、Eason、Boy'z等更會親臨K場為EEGZone打打氣。此外,今個星期五、六及日《蘋果日報》讀者憑券在黃金時段享有全單半價。

記者:陸伊琳部份攝影:周旭文 插圖:PAN
Yumiko芭蕾舞世界
自小都好鍾意跳Ballet,所以我把間房變成一個芭蕾舞世界,展示我文靜藝術嘅一面,喺呢間房唱《舞吧!舞吧!》就最啱。想睇我Rock嘅一面,就要去另一間房啦!
設計對白
祖兒自拍愛貓
難得自己可以參與設計K房,咁高興一定預埋我家寵兒貓貓小丙同妹妹,呢兩張相是我專程回家自拍,用來粉飾間K房,你睇小丙同妹妹幾上鏡!
設計對白
霆鋒浪漫結他房
精挑了多張結他有型照,部份更係首次公開嘅私人珍藏。呢間房勝在夠大,Call埋二、三十個朋友嚟開P就最正,興之所至帶埋結他來掟都幾Cool!不過只係我可以掟,你哋就唔得。
設計對白
Eason揮筆畫K房
Eason、3T、Twins及Boy'z都有主題房,好似Eason會分別以網球及滑水發燒友為主題來設計房間,今天還會即席DIY揮筆設計一間房,而阿嬌及阿Sa分別都有自己的主題房,前者就倡議世界和平,而為食的阿Sa竟然以中國菜為主題,在房的牆上公開自己六大愛吃的佳餚。Boy'z兩位成員不離搞鬼性格,把自己化身成位最鍾意的卡通人物。由於卡拉OK方面要叮囑保持神秘,不准我一次過拍盡,要是想目睹偶像設計的K房,都是親身來體驗一下,順便今天四時到臨,還可親親偶像。
Neway元朗分店(27213998)
地址:元朗教育路10號樂成大廈地下A舖及1-3全層(千色廣場)