【唔拍AV轉打MMA】麥紫莉面容僵硬唔夠力：整親對手就唔好
蘋果日報 2017/09/20 20:13
AVMMA麥紫莉G-1格鬥會II
練完MMA，麥紫莉話自己瘦咗。（攝影：曹家誠）
麥紫莉自從認咗拍AV件事只係宣傳之後，負評如潮，近呢兩個月就去咗日本，拍ViuTV嘅《G-1格鬥會II》，今日佢哋就去到東京都大田區一間MMA拳館做訓練。
訪問嘅時候，麥紫莉就話自己已經去咗日本訓練咗兩個月，講到麥紫莉好緊張，啲力都唔係好夠，佢就話：「我怕整親對手，因為聽日都要打第一場，整親佢就唔好。」佢仲講到自己喺單對單嘅時候，教練都話佢嘅動作唔錯。講到點解面容咁緊張，係唔係被人恰，佢就話：「唔係，因為我用力嘅時候，個面容會比較僵硬，都有少少緊張，始終聽日就要比賽，我第一次上擂台。」
麥紫莉又話其他嘅參賽者冇問佢拍AV係呃人嘅事，佢又話自己都有睇啲網民嘅負面留言，但自己就專心比賽，唔想大家影響到佢嘅比賽。轉頭又講番個比賽，話自己希望可以打得好啲。講到咁多訓練，會唔會fit咗，佢就話：「我好多朋友都話我瘦咗，接觸咗MMA之後都鍾意咗呢個運動，仲可以防狼。」
麥紫莉真係去咗日本，唔係拍AV，係去打MMA。
教練讚佢姿態好，但佢自己唔敢太用力。
身型贏過對方。