香港汽車會宣傳委員會主席羅少雄說:「有錢人買車唔會理車價、油費;買中、下價車嘅就要平兼夾慳油,私家車銷情日趨兩極化。」汽車工業學會會長何懿德認為,小型車成為銷量冠軍與油價高企及經濟差肯定有關係;七人車則因載客量多、用途廣、經濟效益較大而大受歡迎。
「有錢人重面子」
中文大學巿場學系教授冼日明稱:「買車響有錢人嚟講,只重身份同面子,車價同油費都唔會影響佢哋買車,所以貴價車嘅銷情可以逆巿上升,反觀買中、下價車嘅好多都係中產階層,近年負資產、失業、減人工都影響佢哋嘅消費意欲,選購慳油車,同埋中、下價車嘅銷售量下跌,某程度反映本港財富分布愈嚟愈唔平均。」
打垮豐田Picnic
汽車商會的統計顯示,去年全年私家車銷量共二萬四千多輛,比前年的二萬六千多輛下跌百分之七點五,各類型私家車銷量多是全面下跌,家庭及小型房車銷量仍佔最多數,共售出六千多輛,其次多是七人車,共四千五百多輛。
私家車中銷量最高的是本田Jazz,共售出近一千六百輛。Jazz屬小型車,售價只約十萬元,耗油量比一般房車低二至三成。銷量排第二的豐田七人車Picnic則賣出一千二百多輛;而多年來都是銷量冠軍的豐田Corolla,去年銷量只有一千二百多輛,僅能與Picnic一同屈居亞軍。過去銷量極高的本田Civic,銷量更跌至八百輛以下,三甲不入。