陳嘉桓（Rose）今日喺將軍澳中心，出席「BarbieShineYourWay聖誕閃亮派對」開幕活動，身穿露腰裝嘅Rose，不慎露出少許黑色底褲邊。

佢喺台上提到自己設計服飾嘅Barbie公仔時，笑言覺得Barbie嘅鎖骨跟自己一樣咁靚，所以設計咗一件單肩裝畀Barbie着。

Rose受訪時指家中收藏咗三十隻Barbie公仔，近年亦有買返童年時嘅款式，笑言自己買回好多童真：「細個時會幫啲公仔剪頭髮同造衫。」

問到將來另一半，係咪都要係Barbie狂熱份子？佢話：「咁又唔使，但係第時大家如果想送嘢俾我，可以考慮下送啲特別版公仔。」