傅又宣(前名傅珮嘉)以七位數字在銅鑼灣投資Tspa牙齒美白店,邀請了男神王宗堯撐場開幕,王宗堯無懼獻醜,即時將輔助美齒器塞入口腔撐大嘴巴,在旁的小儀取笑王宗堯說:「呢個器係要喺最親密人面前戴先得,我對住你腿張開可以,口張開就唔好喇。」
王宗堯親身示範美齒後,棚牙即美白亮麗,過往佢曾嫌棄自己啲牙唔夠整潔,O依家自信哂,但最怕見到女孩子啲牙積聚污垢或有口臭,工作有冇遇過呢類對手?王完堯即封嘴話:「唔好講啦,拍戲少不免有,喺片場個個捱夜唔夠瞓,又飲咖啡,好多時有呢種狀況,所以會食香口膠。」
胡杏兒加盟蕭定一旗下遭大台封殺,王宗堯期待同對方合作合作,亦力挺杏兒話:「離開咗都預咗唔會再上節目啦,O依家擺明封殺咪唔返囉,好奇怪,賓主關係應保持好好,香港嗰種情況好緊要,劉德華周潤發離開咗都有返過去幫手,飲水思源,咁快就落閘,自己破壞咗咁多年關係,不過算啦,裏面冇咗咁多人,都冇乜感情,O依家好似以前有線。」至於香港電視廠房動土,王宗堯話:「有動作係好事,希望有多啲自己製作。」
傅又宣希望五個月後生意可回本,暫時會留港搞生意,已淡出娛圈嘅佢視娛樂事業為興趣,有機會會做,但以家庭為主,但身在台灣的兒子近日小一上學,經常喊住搵傅又宣,令佢十分難過,但為了趁時機打好事業基礎,只能忍痛一段時間。