原本冷冰冰的天水圍西鐵站,近月每逢星期六日都人氣甚旺;有人派傳單,有人在連儂橋貼便利貼,有人「接放學」。20出頭的街坊阿康,在西鐵站與10多名同住天水圍的朋友自發派傳單,「天水圍係我哋屋企,希望呢區嘅市民可以多啲了解,呢度發生咩事」。
反送中運動在各區遍地開花,8.5大罷工當日的催淚彈,更令街坊意識到已不止是金鐘的事,「8月5號打後,有老人家會喺公園討論,將呢場運動正式帶入社區」。
住在天水圍北的急救員Eddie則在西鐵站stand by,「雖然唔係同一個屋苑,但大家都想天水圍好,所以會擔心街坊安危」,天盛苑居民舉行「傾偈會」時,Eddie亦會到場幫忙;他笑言原本不認識這群街坊,只是常在西鐵站碰面,便成為朋友,「因為呢件事,我識咗好多人好多街坊,大家有講有笑,好開心」。