日本TBS電視台起用36歲巨乳女星小池榮子擔正10月新劇《戀上香港》，與上位型男吉澤亮、22歲巨乳索女馬場富美加、人氣組合電波組.inc前成員最上Moga等合作，全劇共4集所有戲份都會喺香港拍攝。

《戀上香港》講述吉澤亮飾演嘅山田健太，擔任電視台導演被派到香港工作，巧遇從日本來港嘅小池榮子譜出姊弟戀。拍攝大隊已經抵港，去到中環、南山邨等地取景，飾演電視台幕後嘅馬場富美加同扮神秘藝人嘅最上Moga噚日已經埋位，今日就輪到吉澤亮同永田薰開工，佢哋喺茶餐廳拍攝，吉澤亮話喺香港拍攝好開心，埋位前佢仲同貓咪玩。