【師兄你點睇】跑第九場賽事 莫雷拉至緊要「叻」!(賴維銘)
莫雷拉賴維銘星叻第九場師兄你點睇
記:經常有人說星期六賽事係爆冷溫床,不過今日(14日)唔少熱門馬都具真材實料,可以倚重。
賴:跑馬有冷有熱先至好玩,要揀一匹比較穩陣的馬膽,我屬意第九場三班1200米草地的「星叻」。
羅富全今季繼續與莫雷拉合作愉快,兩人攜手共奪10Win,「星叻」今次強配,可期發揮最大威力。
「星叻」只曾贏過泥地賽,不過田草成績一樣唔差,四次出賽三度上名,落第一役於直路賽排不利的1檔致敗。
「星叻」前仗跑1200米,沿途與「小太陽」等駒鬥放,頭兩段時間頗快,「小太陽」埋門鬥散,反觀「星叻」仍能貫注到尾,跑第三水準相當唔錯。
上仗「星叻」排12檔,一直於三叠望空,最終仍僅不敵潘頓力騎之「健康美麗」,繼續有好表現。
今場換上莫雷拉,加上檔位改善,預計會有理想形勢,可爭取今季首捷。
記:今次三T有接近三百萬元多寶,有無冷腳可以提供畀讀者。
賴:提起冷門,我會想起騎冷馬時有佳作的潘明輝,此子第六場三班1400米草地夥拍「獨角寶寶」出戰,值得留意。
呢匹高廐馬季初曾於第四班爆冷,所擊敗之對手「順意寶」及「電訊火箭」其後都能贏馬,水準唔差。
「獨角寶寶」升上第三班後未再勝,之前兩仗輸畀「精簡最好」及「超新星」兩乘左右唔差,上仗走位不利敗績可抹去,今仗抽到1檔,可如贏馬時跟守中前位置。
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ------------------
《果GYM》隨身播 健身壹App過!
一按即玩