今季香港馬圈加入了好幾個新人事，結果跑了五次馬，羅富全已成功搶灘，另邊廂麥菲文則受到早前馬房發生行馬機意外影響了整套部署，至今只派過一匹馬上陣，正如日前所言，市場大多對麥菲文這個「脫腳」予以同情及理解。

至於今季擔任大摩主帥的貝湯美，雖然開鑼日已憑「多紅利」替波士打響頭炮，剛周末再有「綠勇士」食尾糊，然而騎者陣上發揮一時一樣，早前騎「駿皇綵」起步盲搶已惹來詬病，跑幾匹外線馬如「好客本色」、「港林福星」以及剛周末有飛的「好腳頭」等，早段大墮後睇跑馬，不見任何爭勝決心。到這刻為止，今季貝湯美騎外線馬從未跑入三甲，希望是他不是因季初未熱夠身，又或只「效忠」大摩一個。

雖然上文提過的麥菲文暫時受兵源短絀困擾，但論鬥志一層，必好過陣上不時遊魂的貝湯美。兼且麥廐為了挽回公眾及馬主信心，按理短時間都會行唔好唔出一招先攞印象分，不可掉以輕心。

今次(20日)麥菲文分別派出「領航大師」及「有智者」作谷草地標戰，其中後駒埋門配莫雷拉試泥閘，末段以勁勢趕上奪季，表現認真吸睛，加上這匹灰馬近兩季初出取得一冠一季。季初中距離賽事，仍以由長途縮程而臨的佔優，「有智者」贏過谷草1800米，首戰縮程跑一哩啱數，且看能否為麥菲文打響頭炮。

至於廐侶「領航大師」上季兩勝今戰谷草一哩，目前只較對一次贏馬評高兩分，跑出應有水準，亦具爭勝機會。