冼色麗同鄭融喺銅鑼灣出席ShiseidoProfessional活動，佢哋充當Model演繹冬、春妝，冼色麗用咗6個鐘準備，笑言話最初試妝自己都認唔到自己，覺得有如阿凡達，佢話:「第一次試呢啲另類造型，拍戲化既妝都係輕微既，例如受傷呀嗰啲。自己最想試吓誇張啲既，粵劇妝畫到全面油彩，好靚好古典。」

而鄭融都話今次試新妝好玩，佢頭上既頭飾由真草造成，問佢年尾頒獎禮會唔會試下誇張造型，佢話:「依家同造型師都諗緊咩造型去頒獎禮，但係應該唔及張敬軒之前4個造型咁勁。」而會唔會性感打扮就話順其自然，健康性感都得。