熱刺射手哈利卡尼喺上輪英超連中三元，協助球隊作客大勝般尼3:0之後，2017年已經為熱刺入咗46球，只係少過巴塞隆拿嘅美斯（50球）同埋巴黎聖日耳門嘅卡雲雲尼（50球），連同國家隊比賽在內嘅話，卡尼今年嘅入球總數達到53球，只係比美斯嘅54球少一球。由於歐洲主流聯賽已經進入歇冬期，英超就繼續有比賽，卡尼仍然有機會追過美斯而成為歐洲五大聯賽2017年嘅入球王。

美斯喺上星期六巴塞隆拿大勝皇家馬德里嘅國家打吡射入12碼，個人今年入球總數去到54球，超越咗同樣射入咗53球嘅皇馬球星基斯坦奴朗拿度（C朗）、拜仁慕尼黑嘅羅拔利雲度夫斯基同埋PSG嘅卡雲尼，喺2017年歐洲五大聯賽射手榜獨佔鰲頭，不過，卡尼喺同日較後時間進行嘅英超聯賽就演出帽子戲法，全年入球追平咗C朗、羅拔仔同卡雲尼，只係少美斯一球，如果卡尼喺「拆禮物日」熱刺對修咸頓嘅比賽再入波，就有機會追平甚至超過埋美斯，成為今年嘅歐洲五大聯賽入球王。

----------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM