日本中場柴崎岳上星期六喺基達菲對巴塞隆拿嘅西甲聯賽射入靚波而爆紅，不過佢喺下半場中段因傷退下火線，可能需要休戰四至六個星期。

基達菲上場雖然喺主場以1:2輸畀巴塞，但柴25歲嘅崎岳上半場射入靚波而成為第一個喺正式賽事對皇家馬德里同巴塞都入過波嘅日本球員即刻爆紅，連西甲都喺官方Twitter出咗張將柴崎岳變成《龍珠》入面薩亞人咁樣嘅改圖嚟賀賀佢。星期四基達菲作客切爾達，相信唔少人想睇吓柴崎岳嘅表現，可惜佢喺對巴塞嘅下半場比賽因為左腳傷被調離場，基達菲主席安祖托利斯其後表示，柴崎岳可能要養傷四至六個星期。

如果柴崎岳要唞四星期，即係會錯過第五周開始作客切爾達、主場對維拉利爾、作客拉科魯尼亞同主場對皇馬四場西甲，如果要休戰六星期，就連作客利雲特同主場對皇家蘇斯達呢兩場聯賽都踢唔到。