今年港姐面試中，竟然有四個女仔撞埋同一條裙，其中一位現年22歲嘅Elsie，可以話係四位之中最索一個。

據悉Elsie喺喺2015年畢業於University of Minnesota，佢報稱做Model，見佢啲社交網貼咗唔少同明星合照，除咗有男神級嘅周柏豪、王宗堯之外，仲有黃建東、胡渭康、張立基等，唔同類型男士都會集郵，但就好似冇女星。

Elsie同娛樂圈關係似乎都幾密切，會出席首映，連今屆慧妍雅集活動都有份參予，咦？點解未入選已經參予港姐聚會？真係要問下當時人先知。而係Elsie嘅ig裡面，仲見到佢貼咗啲三點式相，大騷34C上圍加長腿，身材勻稱，應該都好有機會入圍。