人稱「宇宙最強」甄子丹太太汪詩詩，噚日度過33歲生日，踏入20號晚詩詩已經開始切蛋糕慶祝，而踏入生日一刻，詩詩當然係同老公一齊過啦，兩老婆仲去咗嘆法國菜飲香檳，甄子丹送咗大束鮮花畀太太，生日有大餐食又有花收，詩詩立刻將美食照同老公甜蜜一刻，放上微博同大家分享，甄子丹仲發表愛妻宣言話：「親愛的甄太，感謝您讓我陪您度過十一個年頭！生日快樂！美麗動人！」

隨後詩詩陸續貼咗與家人及好友慶生照片，大晒溫馨幸福。當然最甜蜜莫過於老公甄子丹錫錫詩詩面珠時，見到佢個樣即笑晒冧爆，詩詩寫道：「Wehavegonethroughalotanddefinitelyhadourupsanddownsandworkhardonourrelationship.」

另外，詩詩一對仔女亦爭住左右擁吻媽咪，作為母親一定好享受呢一刻，仲有一家人大合照，詩詩正在懷孕妹妹汪圓圓都有入鏡，圓圓相比之前圓潤不少。