周三（4日）晨課，出跳有賽程馬，分別來自容、方、蔡、賢及徐廐。徐廐「勇冠多」莫雷拉過檔跳三段，戴頭罩，沿欄按住順走，入直路加速，步幅開揚有力，情緒集中唔急唔搶，成熟狀態都邁進一步。此駒上仗由現正停賽的羅理雅於泥地千二米跑第二後，最近由蔣嘉琦試泥地大閘快放第二，今課被雷神睇中試番課，周日（8日）出王牌爭泥地千二米，點會唔搏。

「藍天飛馬」副練拍「獅子驄」跳兩段，前駒戴頭罩，貼欄大步帶放，末段保持走勢，佔先贏少少，姿態甚輕鬆，近期受操，試閘一放到底，表現出色。

「仁愛之星」副練跳一段，出腳爽朗，早前試大閘有前有後。「萬馬飛騰」跳一段，勤拼下馬身唔瘦，狀態喼得好。「凱旋飛星」跳一段，季內長期有好狀態。「飛越峰」跳一段，體力甚佳，質新馬保持好進度。

「西方快車」副練跳兩段，走中檔，均速大步輕鬆走過，身靚毛色轉深，試大閘有前有後，勤操成熟邁進。

「鐵男」跳一段，戴頭罩，靠外欄走過，馬身紮實，落腳急密有勁，情緒穩定唔急唔躁，勝後續進步。「運財童子」跳兩段，走中檔，步幅開揚有力，神情專注，質厚馬勝後持續有進展。