農曆新年唔係鬼佬節日，但大部份外籍練馬師仍趁假期休息，呢日大年初二，南非籍嘅霍利時只係少數露面嘅倉主，佢一早企定定喺馬房閘口食糊位，原來等待三匹初三戰馬「至叻熊」、「熊英雄」及「辣得醒」內圈踱步操回來，仔細觀察牠們一舉一動，動態緊張，明顯是馬房今期搏殺主力。其中「至叻熊」、「熊英雄」上仗都跑第三表現不錯，尤其「熊英雄」，曾有嚴重傷患，能受操相隔不足一個月再出是好現象，今仗四檔值得睇好。