賭王最索千金何超蓮，早前閉關溫習準備考試，上星期考試後，即出動去食越南菜、影貼紙相及搭渡海小輪，玩番夠本。噚晚，超蓮仲喺微博貼咗張兒童適宜嘅靚女床照。相中嘅超蓮著住圓領tee瞓床，刻意拉開衫領，露出鎖骨，但就不慎露出肉色bra帶。

超蓮話睇過粉絲們嘅留言、知道自己肥咗，所以話聖誕願望係要越食越瘦：「我要回去那時的我，謝謝聖誕老公公。」唉，好多人聖誕願望，都係食餐好0架。不過都有網民力撐佢唔肥，反而勸佢要吃多啲，亦有網民讚佢似徐子珊。