兩子之母陳慧琳（Kelly）形象健康，十分受廣告商歡迎，最近佢就被邀請擔任驗孕棒及排卵日測試棒嘅代言人，早前Kelly拍攝平面廣告時，仲搵咗位幾歲大嘅可愛小妹妹合作。

小妹妹著上護士裝超萌超可愛，逗得在場所有人都十分開心，小妹妹又特別喜歡Kelly呢位靚媽，影相時經常主動依偎喺Kelly身後同熊抱佢，Kelly都話甜到漏。提到今次代言嘅產品，Kelly話：「我覺得懷孕命中率同夫婦行房次數扯唔上關係，如果可以準確啲去控制生育，對大家嚟講都係好事。」