【韓流】Rain Ig報喜 金泰希平安誕千金
金泰希rain
Rain今早於Ig報喜,表示老婆金泰希平安誕下女兒。
韓流天王Rain今年1月跟女星金泰希結婚,5月時二人宣佈金泰希懷孕嘅消息,當時已表示金泰希嘅預產期係本月底至下月初。
今早Rain就傳來好消息,於Instagram公開一張新相,留言:「多謝,係漂亮嘅公主,會健康地成長去幫助呢個世界,祝福。」親自宣佈榮升老竇嘅好消息。
據知金泰希日前於首爾清潭洞某醫院順產誕女,不過事務所為尊重其家人意願,唔會公開B女出生日,只表示唔係今日出世。相關人士又透露,Rain於金泰希分娩時一直在旁守候,兩夫婦亦已為女兒登記臍帶血儲存服務。
而Rain有份演出嘅節目《The Unit》,今日下午舉行發佈會,不過Rain因囡囡剛出世而缺席活動。