孫耀威今日喺尖沙嘴發生車禍，好在命大冇受傷！老孫喺社交網貼相並留言：「撞車...報警...」《蘋果》致電向老孫了解，佢表示：「我o依家已經喺飛機上面，差啲miss咗班機，我o依家飛去北京做中央台節目，頭先自己揸緊車，我停喺度，佢開好快，佢嘅車尾撞咗我車頭。」

老孫話兩架車都係輕微括花，但對方司機就態度惡劣：「佢又好惡咁樣，我都費事同佢傾，咁就報警，諗住可能趕唔切班機，不過好彩最後一分鐘趕入去，多謝關心，最緊要人冇事。不過，我覺得最好笑，反而好多街坊喺度直播同影相，本來對方都幾惡，爆晒粗又剩，因為好多人直播，佢就戴番口罩，都幾好笑。」

問到有冇嚇親老婆？老孫笑說：「佢喺隔離，幫忙拍照留證據，佢比我大膽！你冇聽過佢新歌歌名叫《我會照顧你》咩？哈哈哈！」