全港逾千宗武漢肺炎確診個案中，涵蓋了多個家庭群組，其中較早期出現的大部份為小型家庭聚會感染群組。記者日前走訪本港第47號病人黃伯位於屯門良田村的住所，他曾於1月30日出席12人親友飯敍，席上另一名43歲男士其後亦確診，兩人同被列入鄉村感染群組。已於2月底康復出院的黃伯，經歷這場抗疫之戰後，近月已減少與親友聚會，直言最憂心影響太太和女兒健康，「（依家）我同太太食飯會分開晒啲餸嚟食，少啲出街，（同親友）成兩個月都無見。」

記者：金敏琍 廖怡德

今年67歲的黃伯雖然只肯隔着大閘做訪問，但聽他聲如洪鐘，沒有半點迹象顯示他曾經歷令全球聞之色變的武漢肺炎疫情。他屬香港早期確診者，2月初出現喉嚨痛及發燒，已即時到私家診所求醫，醫生開出抗生素，很快已經退燒，豈料病情始終反覆，「因為我唔係日日燒，隔一日食抗生素，消咗，但第二日瞓醒又嚟過，我心諗無理由咁奇怪，食咗抗生素理論上一定會退燒嘛，咁點解連續第3日都係瞓醒有燒呢？即刻去睇私家醫生，醫生即刻叫我入去屯門醫院，屯門醫院急症即刻同我照，話我個肺花咗。」

與太太及女兒同住屯門良田村的黃伯，坦言將摯親健康放在首位，自入住隔離病房開始，一直只擔心太太及女兒會否受到感染，反而對自己情況則從未憂心。入院初期，更曾一度出現嗅覺怪異情況，「出咗院就無，喺醫院就有，（係咩情況？）聞到啲嘢都唔係好味道，但就唔係話無咗嗅覺，係有，但聞啲味道就唔係好味道。」

黃伯表示，在住院期間，有服食利托那韋、蛋白酶及抗生素，其間除了如前所述出現嗅覺怪異外，反映肝功能的肝酵素亦有偏高，「瘦咗幾磅，開頭因為食一隻叫利托那韋的藥，無乜胃口食嘢，利托那韋、蛋白酶、干擾素我唔知有無食過……每日都要抽鼻液、喉嚨、抽血、大小便、照肺。開頭7、8日要樣樣做齊，後來照肺隔日，佢話已經無咗新冠病毒，開始呈陰性，又唔使抽得咁密，但喉嚨同鼻日日都要」。

黃伯幸運地住院14日後，身體所有檢測均呈陰性，正式康復出院，但出院初期，他與部份康復者一樣，出現氣喘情況，「開頭出院後3日有，即吸極都好似唔係好夠氧氣，但第4、5日就好正常，一路到現在都好正常，我出咗院，我2月24出院，到依家差不多一個多月。」

「（依家）我同太太食飯會分開晒啲餸嚟食，少啲出街，以前一星期會同啲兄弟姊妹見一次面，現在成兩個月都無見。」武漢肺炎肆虐全球，奪去超過12萬人性命，黃伯康復後亦未敢掉以輕心，從生活習慣開始提高警覺。

-----------------------------
App內1-Click訂閱《蘋果動新聞》
按此了解更多
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568