當年今日
關於我們
【睇好你啊!】仙樂都滿有信心唔使雪卵:我好努力咁搵緊
蘋果日報 2017/08/28 20:02
仙樂都
吳堯堯
鄧雅瑜
(攝影:仇志德)
「仙樂都」吳堯堯同鄧雅瑜表示好鍾意小朋友
已婚兩年嘅鄧雅瑜,自言仲未有心理準備生小朋友
「仙樂都」吳堯堯同鄧雅瑜今日喺旺角為小朋友才能比賽擔任評判,佢哋表示好鍾意小朋友,仙樂都話:「o依家未有小朋友,因為未搵到對象。」問佢有冇打算雪卵?佢滿有信心咁話:「唔使,我好努力咁搵緊(對象),朋友都有介紹畀我,所以都唔擔心。」
已婚兩年嘅鄧雅瑜,自言仲未有心理準備生小朋友,不過已計劃明年,佢話:「嚟到呢度見到小朋友,覺得佢哋好可愛,雖然有時睇少一眼就出事,好似有個男仔拎枝水出嚟,點知淋咗去隔離個男仔度,當時見到都呆咗,但係又覺得好搞笑。」問佢對小朋友有冇耐性﹖鄧雅瑜話:「都有,如果將來要做父母的話,難免會做一個怪獸家長,因為個個都學好多嘢,如果唔畀小朋友學,我怕會比下去。」