Skyline迷打機打大變真車手 阿哥整車玩賽車 細佬係電競車王
蘋果日報 2020/09/23 13:34
四驅車Skyline爆走兄弟
曾幾何時，如你住在那個屋邨，或許你也聽過帶點違和的賽車聲。「我們3歲已經打Rally，4、5歲已經打緊GT，跟住就由PS2一直玩。」24歲的Pluto Mok與22歲的Jason Mok在屋邨長大，與眾多港孩一樣，打機打大；不同的是，因為打機而成就他們的人生事業。
3歲打機 虛擬識車變現實職業
在仍未有網路的年代，兩兄弟每日的娛樂就是打機，「每日做完功課，有一個鐘時間，通常輪住打，第一鋪弟弟打完，第二鋪我打，第三鋪就老竇打。」哥哥Pluto在訪問當日，找回兒時玩過的遊戲碟，邊數邊說。「那時老竇會用打機嚟教我哋英文字，我哋好早就知道匹數是指車幾快，而PS就是單位。」弟弟Jason眼見爸爸與哥哥打機，自然自小打埋一份。
在遊戲世界中，改裝是要「錢」，兄弟兩人輪住打大佬一起儲錢，儲夠便買新零件，早就在遊戲世界中改車。「細個價值觀是，贏車就賺到錢，現在報名賽車就要畀幾萬報名費，贏車只得一個盃。」將本來的娛樂變成職業，就是他們進行中的事。因打機而識車，兩兄弟長大後還是拎住手掣不放，電競當然摻一腳。至於真車設計、拉花，他們也有參與。
愛驅旅行版GTR玩甩尾 運貨一流
「工作上八成同車有關，做design做推廣、搞活動、電競呀、賽車遊戲，同埋自己鍾意的飄移同賽車。」用上「爆走プルート組」，源於四驅車動畫《爆走兄弟》，兩兄弟拍住上，Pluto說要追夢當然要預弟弟的份兒。未有車牌已幫車隊做設計，又贏了拉花比賽的他，現在的「腳車」都是由他親手拉花的Nissan Stagea R34。「佢係一部旅行版的Skyline，當時是件好癲的事。」香港認知的GT R就只有GT R34與GT R32，全因澳門東望洋大賽時，GTR跑贏了所有寶馬平治，「R34係那個年代的最後一代，而GT R32、R33、R34其實像三架兄弟車一樣。」
對於Skyline的情意結，源於打機年代，若由打機起計，他們與Skyline結緣已有廿年。「香港很少有這部，到我手上就決心將佢變成一部飄移車。」現在他的車，既可以落場飄移、甩尾，也是他日常運貨用的「腳車」。「因為架車運貨一流，車尾實在太大，可以成條泵把塞落去、再擺多四條車胎、坐多五個人都得。」
趁DSE考試超越哥哥 終成電競冠軍
訪問中，弟弟Jason一直掛住耳機，有的沒的在答幾句，仍在上學的他，因為疫情在用Zoom學習。現在他主打電競，早前更贏得兩個電競比賽的冠軍，分別是衛訊主辦的電競音樂節與南華會的「車王盃」。「本來是哥哥打機叻點，趁佢考DSE扒佢頭。那時我老竇都話我癲，一日坐喺電視前對住6至7小時，都唔走開。」
對他來說，打機能練出真車的技術，「一來係muscle memory（肌肉記憶），你個腦未及反應，你個身會先做反應，打機係練得到。」另一方面就是賽道問題，遊戲世界的賽道，多根據現實世界的設計，熟悉遊戲等同熟知現實。可以瘋狂練習，又不用在意油費。「雖然我覺得我做唔到專業電競的，但方向喺度。同我想話畀人知，其實電競車手，唔係亂揸車。心態唔係打機咁，都可以好認真。」
車是實踐夢想的平台 想整一世車
兩兄弟，兩種性格，哥哥往往一頭熱血，主動也較衝動；反而弟弟話語不多，冷靜也有點負面。「事實上，我哋溝埋就剛剛好。」性格相異的兩人，都是一心迷戀車這件事。「車是令我哋有媒界，係一個實踐夢想的平台。我哋不會用值不值講這件事，我哋是須要做這件事，呢世人都想整呢類車。」
採訪：梁苡珊
攝影：高梓軒
24歲的Pluto Mok與22歲的Jason Mok在屋邨長大，與眾多港孩一樣，打機打大；不同的是，因為打機成就他們的人生事業。
哥哥Pluto在訪問當日，找回兒時玩過的遊戲碟，邊數邊說。
現在的Pluto的「腳車」是他親手拉花的Nissan Stagea R34。
對於Skyline的情意結，源於打機年代，若由打機起計，他們與Skyline結緣已有廿年。