黃芷晴同林耀聲噚晚喺中環出席手表活動，向來都有DIY首飾嘅芷睛就話遲啲會參與市集：「o依家屋企變成個工場，爹哋媽咪都好好，會幫我手包裝又或者穿吓膠花！」不過，就算幾忙，芷睛都有陪爹哋睇世界盃：「我哋有一齊睇波，但係我主要睇靚仔，本來有人請爹哋去現場睇，但係佢要做嘢，所以去唔到。」芷睛仲話：「爹哋話睇電視都好開心，佢都教吓我啲球例，如果太夜嘅話就唔會陪佢睇波。」

林耀聲就被問到有冇收藏手錶，佢話：「冇特別收藏，我比較鍾意電子錶，最貴重係手錶係沙律(張沛樂)送，我覺得心意重過價值，o依家都有keep住戴！」林耀聲仲話啱啱喺馬來西亞拍完一套鬼片，唔知有冇遇到驚險事，佢話：「我之前有聽聞過，不過好彩係冇，反而細個鍾意探險，試過同朋友去百德小學，臨走嗰陣有朋友話有人推佢，之後發現佢背脊有紅掌印，以後唔敢再去。」

精選娛聞，喺晒《娛果》
http://fb.com/appledailyent