有線主播劉明軒日前被指同新婚一年嘅保險才俊鬧婚變，王嘅前女友李彩華被雜誌問及回應時就以耐人尋味嘅反應話：「咁快？真係好surprise喎」。

其實被傳婚變嘅劉明軒一直冇回應，不過任職保險公司高層嘅王傲山，今日下晝原來就喺facebook留咗段說話力撐老婆喇，除咗話自己同屋企人都錫老婆之外，內文亦暗示有人放料予傳媒以令自己得益，又指曾多番攔截不實指控，對方應腳踏實地，勿靠偏門方法求成功。

王傲山先係鬧爆疑似李彩華，之後即轉tone，寫道:「我家人很疼愛明軒，她也是我今生遇過最愛及最好的。我家人無不跟我想法一樣，對明軒的愛也不亞於我。至於性格合不合，相處的問題，只有我們自己能夠解決，請大家給予我們空間，因各自不『閒』，也有沉重工作及責任在身。

「結婚那天是我一生最開心的一天，無論將來怎麼樣，也是無悔。

「我的這番言論可能令至『得益』的人有機會爭取更多自以為的『得益』，所以從今天起我不會再作出任何回應，不論發生什麼事情也不能、不應、亦不可再作任何回應。」